BBQ

26/9(星期六)慶祝9月份生日BBQ

初步打算去蝴蝶灣BBQ

時間大約5點到深夜(唔怕冇車既話=口=)

有意請聯絡本人or係度留個名

最好話埋比我知你想幫手買野食定淨係黎玩

另外想幫手買野食既就5點半係新墟neway等

多謝合作~~

-------------------------------------------------------------------------------------------

暫時幫手買野既人

我, 阿卡, cc

暫時淨係玩唔幫手既人

傑, 昌, 科亮, lee leung tang, tommy, peter pang, wui chun leung,

阿的, kenny pang, bp wong

唔知去唔去既人

ray, 小白, 淦, 遠, 演, ethel chan, 車厘

淨係玩唔食野既人

浚

唔去既人

阿天, apple, 宇亮, 麥精, ken lai, hardy tsang, 文, oc chan, 演

MHP

岩岩同班fd玩完mhp

之後我同cherry講

如果用金手指可以整到d爆彈成隻老山龍咁大既話

咁應該會好易整死d隊友

之後cherry話我好奸

之後我又無啦啦諗到

如果d隊友死左

其他人可以挖佢條屍

挖左佢身上d野或者佢套裝既其中一part出黎咁都幾好玩 XD~~~(笑)

給一個所謂既 "朋友"

依篇日記係比一個我認識既朋友

佢叫阿浚...依家我唔知佢去左邊

希望佢睇到呢篇日記啦

其實想同你講好耐

你好幼稚...

幼稚到諗到乜就做乜

幼稚到做野唔理後果

幼稚到話唔要所以朋友

好多好多幼稚...不過唔止你

大家都好幼稚...當人有70歲命

你依家先行得果7份2...仲有排你行

人跌底左唔識起身唔緊要

但唔好賴自己冇用搵藉口唔肯去起身

聖人都有錯...何況你只係個普通人

自尊係要有...但唔好要埋d無謂既自尊

你仲係要咁自責既只會另人更擔心更討厭

錯左道個歉肯去改就冇人會怪你

希望我既 "朋友" 會番黎啦

兩週年-續

繼上一篇之後
反應良好...所以正日再加開一場
今次就講下呢兩年入面既野啦 XD
其實我覺得依家先打返我地既野好似遲d少少
不過...我地有既係將來嘛
我諗我應該今年都會打一篇咁樣既日記
希望可以記低少少關於我地既野啦 x哈

上次講到2年前既今日(4月8日)我同cherry一齊左啦
其實果日真係好搞笑
果日你約左我出黎只係好似平時咁打下機
傾下計之後就準備返屋企
點知排緊隊上車既時候
你就話想同我一齊
當時我呆左
心情好興奮但又有d唔知點算
跟住冇耐就有車黎
我望住你搭車返屋企
雖然都有同你sms...但我地咩都冇慶祝到就各自返歸咬飯 =口=
到左夜晚先一齊傾電話
諗返起都覺得好笑 x哈

幾日之後發生左一D事搞到大家都唔開心
不過今日唔講D唔開心野
今日講既野全部都要開心既 XD
其實未同你拍拖之前有時聽到你有唔開心
見到你喊既時間都想攬實你
不過冇機會
同你一齊左之後
有時見到你喊..我都會不由自主咁攬住你
因為我想同你分擔所有既事
開心既事又好唔開心既事又好
我都會同你一齊分擔

大約一個月之後
有日你問我..知唔知過多幾日係咩日子
我諗左一輪先知
原來係我地拍拖一個月既日子 =o=
由於我係第一次拍拖...所以都冇乜呢方面既經驗
知道左你要一個月慶祝一次
開頭我都有D唔習慣...不過好快就適應左囉 @o@
到左慶祝果日我地都係行下街吃下飯咁樣
之後送到你返屋企...我地交換完禮物之後
你就有封信比我
我就兩手空空咁
我返到去睇完封信之後
我就覺得要寫返一封信比你
自此...我地每個月都有交換信件既習慣 @@

同你拍左拖之後
我多左好多人生既第一次
第一個第一次...當然就係拍拖啦
之後就係拖手仔
話說開頭我同你都怕怕羞羞咁
差唔多成個月先慢慢同你拖手 @o@
再黎係就第一次錫錫...用左三個月時間先敢錫你 =口=
仲有一齊玩他媽雞
一齊玩跳舞機
仲有一齊做part-time
一齊係聖誕節睇煙花
同你一齊買比卡超NDSL
一次買兩部PSP一齊玩
第一次同你一齊整公仔(用針線)
第一次影貼紙相
仲有仲有第一次見家長 =O=
果次我冇記錯就係慶祝你媽媽生日
之後仲有第一次比你爸B開汽水搞到我濕身 ~.~
好多好多爆笑野
總之同你一齊就好開心啦
有時你又會冇啦啦做埋D白痴野
雖然我知你唔係特登做出黎
不過我次次都會忍唔住大叫一聲...白痴婆呀~~~

就咁樣嘻嘻哈哈就到左出黎做野既時候
開頭我都擔心大家見面會少左感情會冇咁好
但我發覺大家少見左就會越珍惜大家相處既時間
不過就算係大家都忙
我地都會keep住每月一封信
有時大家病左又會寫寫比對方
特別日子又寫...儲左好多封囉
有時又送下禮物比大家(我屋企多左好多公仔=o=)
直到今日...希望以後我地都會咁樣keep住落去啦
不過我相信我地會變得更加好
其實都好期望結婚的
不過依家仲未係時候
遲下準備好就...嘿嘿
總之我地要白頭到老啦 XD

兩週年

兩年囉...唔經唔覺
我地一齊左都就黎兩年囉
黎緊四月八日...就係我地拍拖兩周年
真係好開心呢~~~
黎緊果日希望會過得開開心心啦
當然...唔止呢日既
要日日都咁開心 XD

為左紀念下依個日子
請容許我係度寫下一d回憶
PS:可能有一點點肉麻
不喜歡的...還是看一下吧..哈~

故事大概發生在三年前
還是獨身的我
入讀了屯門IVE
當時..心裡其實都有盼望著有自己的另一半
"希望今年可以拍到拖啦"這樣想著
然而..到了開學的那天
我找到一個空的位子坐下
正等著放學 (一開學就想要放學 =口=)
突然背後傳來了一聲"唔該借借呀"
是一位女孩的聲音
聽起上來...好像有些騰雞
當時的我只是讓開了一下
她就在我身邊走過
坐在我前面附近的空位上
大家都沒在意大家
只是在聽著無聊的開學廢話

開學之後大約一星期
期望擺脫單身的我
當然是留意一下班上的女孩子啦 XD
結果...班上(同班的)卻只有四位女孩子
當時我在想...今年應該也是獨身吧
也罷...結識一下其他朋友也不賴吧
之後每天都是平凡的上學放學
沒甚麼特別的事情
班裡也相處得十分融洽...十分開心

記得上堂的時候
座位的編排是照學號順序的
坐在我前面的是班上的其中一位女孩
面坐在她身旁的是一位男同學
那位男同學經常會逗她玩
雖然好像沒甚麼
不過在我看來
臭小子...知道你坐在班上四個女孩的其中一個身旁啦
自己有女朋友還逗其他女孩
還有吵著我睡覺...火大的 (吵著才是大罪吧 =口=)
不過...感覺上那女孩好像挺呆的
其實她一直被玩著但她好像不覺似的
有時乘車上學時都會見到她
因為她有時都會乘著和我一樣的巴士路線
和她聊著聊著就發覺她有點笨
有時我也不禁想捉弄一下她
結果...她當然是被輕易的玩弄啦 (超搞笑的說 XD)
當時對她的感覺...只是覺得她很會畫畫,很傻,很天真的說 (好像有點怪怪的=_=)
除此之外...就沒其他了

有一次...我們班搞了一個活動
那天一班人吃過飯後就到了一個公園玩
玩了很多遊戲...很開心
不過玩了一個要說真話的遊戲 (忘了叫甚麼= =)
到那女孩被問到她自己的感情問題時
她說著說著就哭了...
那時覺得她還蠻可憐的
雖然外表看起來是多麼的天真無邪
無憂無慮每天都笑臉迎人的她
也有著很多的傷心事...
那天玩到很夜
而我要回家乘的車也剛好和她相同
於是...就被人負托了送她回家的責任 =口=
那天是我第一次送女孩回家
雖然只是和她乘著同一架車
再看著她乘坐一架直到她家的巴士而已
不過世事還真湊巧..我要回家的巴士也是她坐的巴士路線
只是方向不同...一個向左走..一個向右走...好像在拍戲似的

這樣...學校生活的半年過去了
有天她手上拿著一部NDS
在玩著甚麼的...起初我想也想不到
她會打機啦 =口=
我這半個宅男當然也是喜歡打機啦
於是就問她拿來玩玩
誰知道...上..上隱了..
由於當時我沒有NDS所以被她毒了...
結果和一位同學一起買左NDS T_T
還要買NDSL...當時還挺貴的
不過我沒有後悔...因為有了NDS
我和她的距離
一點一點的...慢慢的
確實被拉近著
還有一次...我好奇地想去一次機鋪
有幾位同學...當然還不少得有她啦~~~
回想起來我好像是第一次去機鋪打機
一位同學教我玩太鼓
一位同學教我玩高達
而她就教我玩pop'n
這樣...我的燒錢生涯也就開始了
不知由何時開始我習慣每天都會叫她叫床
因為其實我和她的起床時間是一樣的 (拍戲...一定是在拍戲啦...(拖))
所以很多時候我也會和她坐上同一架巴士 (拍戲呀..拍..(拖))
放學一起去打機
之後...理所當然地
回家也是坐同一架車(...不用拖..我自己走..)
我和她獨處的時間就是在一天上學回家的車程
乘車是都是說說笑笑..一起打機..每天都十分開心
有時不用上學的時候
我偶爾也會想玩弄她
但她不在...只好打電話去聊聊天
記得有次我和她一邊看哈姆太郎
一邊傾電話..說對方像哪隻倉鼠
兩人像傻瓜似的在笑著..嘿

又過了一段時間
每日的開心不是必然的
不好的事發生了...
她..被一個不明的男人用電話騷擾著
當時我很擔心..那個不明的男人還好像會跟蹤她的說
由於我放學回家是和她同車的
面且她家還有車到我家的
於是我就試著每天都送她回家
起初她也不好意思麻煩到我的
但我覺得這樣比較安全
而且和她一起的時候也很開心
所以慢慢她也就接受了
坐車時她偶爾也會擺出一臉不好意思的表情
看到這樣的她..我忍不住..."o即"了她一下
沒想到..她..她反擊了 =口=
有時我們就由上車"o即"到落車
把不開心的事忘記清光了

學期尾了...其實這時..
我想..我應該是喜歡了她
我在心裡想..我想和她一起
一直考慮著這件事
四月六日夜晚...我在送她回家的時候
我向她表白了...記得她當時聽了後只在哭
於是我也就只好先送她回家
兩天後...她約我出來..
把答案..給了我..
我們的四月八日..就是這樣誕生的了
而她...那女孩..就是我現在的女朋友
Cherry~~車厘子
哈...說了這麼久
我想...只算是開始吧~

我們拍拖後每日都過得很開心
當然總是會有不開心的時候
但總是很快就解決了
記得妳的糗事
記得妳的傷心事
記得妳的開心的樣子
記得妳的..很多很多..
我大概也把妳當成我一輩子的另一半
現在我們可能還只是在起點
將來的路...讓我們一起牽手笑著走吧
拍拖兩週年快樂耶
還有...
我愛妳